轉目標吧！他對妳沒有意思的5種反應

轉目標吧！他對妳沒有意思的5種反應

1. 唔願意同你單對單出街

每個男生都妄想會有可以同心儀女性單獨約會嘅機會！如果你約佢嘅時候，佢諸多推搪，例如妳約佢食飯都係答你唔得閒。又或者要去邊度食飯/睇戲，佢都希望叫多啲朋友一齊，咁好有可能佢對你冇興趣。

2. 對你的訊息已讀不回/回覆極簡短

信我，如果一個男生鐘意你，佢一定幾夜都會陪你傾計。而因為好想表現自己嘅關係，回覆嘅次數同內容通常會比妳多。若果佢係對你冇意思嘅話，好多時侯佢地只係會對你嘅訊息已讀不回又或者係極簡短嘅回覆，甚至係好頻繁咁用藉口嚟逃避你地之間嘅對話，例如沖涼、食飯、訓覺等等……

3. 在你面前談論其他女生

當然，呢個有可能係佢地其中一種招數，利用心理上的弱點(特別當妳未有明確態度表明自己係鐘意佢嘅時候)，暗示比你聽有其他女仔對佢同樣有興趣，迫使你表態。但係，絕大部份男生係你面前講其他女性，可能只係想得到妳同樣身為女性嘅「專業意見」，例如係應該買咩禮物，去邊度食飯等等。已經代表妳進入咗呢個男生嘅「朋友區域」(friend-zone) 入面。

4. 總係忽略妳的興致勃勃

呢個係最明顯嘅一個現象。兩個人要拉近距離，最常做嘅事就係先搵出大家的共同喜好，鐘意嘅音樂或者食物。就算佢本身冇果樣共同喜好，若果佢係對你有感覺，佢都會去嘗試去了解，或者嘗試愛上果樣喜好 (又或者假裝鐘意)。

相反，如果佢對你沒感覺，當你興致勃勃地同佢分享你嘅喜好，但得到的只係佢總你冷淡嘅回應，咁佢嘅意圖就相當明顯了。

5. 總是忘記掉妳跟他說過的事情

如果妳係一個對佢好重要嘅人，佢肯定會記得妳講過嘅每一個細節(甚至會寫低佢！)，妳嘅生日、鐘意嘅食物、鐘意嘅卡通人物、去過嘅地方，或者係你地第一次見面嘅衣著，準備隨時給妳一個驚喜！相反，若你係佢心目中不太重要，試問佢又點會記住妳嘅野呢？