OL最易溶妝? 3招對付溶妝技巧

夏天熱到35度或以上,無論上幾多碎粉噴埋定妝噴霧都有機會溶妝!如果個晚仲要約左人都唔知點算,唔通就咁樣溶住個妝出去約會咩~今日就教你3招急救溶妝技巧!

  1. 善用棉花棒

一定好多人聽完之後會問點解要用棉花棒?夏天好容易係眼線、睫毛液同眼影嘅位置都有脫妝嘅情況。只需要帶備棉花棒,用棉花棒帶走溶妝嘅化妝品之後再用蜜粉係眼周附近定妝!一枝棉花棒就可以輕易解決溶妝問題~
2

  1. 遮瑕膏

遮瑕膏被稱為「補妝神器」,有時候個妝化咗一日都會溶會甩,所以係化妝袋帶定遮瑕膏就係最啱架啦!補妝時可以利用遮瑕膏係眼底、嘴角、鼻翼等位置重新補妝。除此之外,遮瑕膏仍都可以利用深淺色打造一個立體的效果!例如:可利用較膚色淺一度嘅遮瑕膏於鼻樑、唇峰嘅位置打造面部立體效果!
11

  1. 保濕

坐係office嘅OL每日都要面對冷氣強烈咁吹D風出黎,搞到塊面有時都會好乾燥!OL仲要坐足8個小時,所以建議咁多位OL可以係辦公室嘅枱面放上一枝保濕噴霧!當感覺到面部乾燥時可以即時使用保濕噴霧進行保濕,之後再使用粉餅於脫妝位置以按壓形式處理!簡單嘅幾步就可以令到脫妝嘅問題解決,仍都可以令到化妝更持久貼服~
2 way cake 3

雖然話有方法可以係溶妝時補救,但如果真係想靚足全日其實最重要都係化妝時要做好打底嘅步驟。

相關文章