夏天告別出油化妝師大推嘅定妝方法

Posted 六月 21, 2019

夏天最怕就係出門前化好咗個靚妝，都未番到公司個妝已經溶咗，又或者一照鏡個妝已經全面油光，唔想以上咁尷尬嘅問題發生就要跟住以下三個方法連化妝師都用緊嘅定妝方法，今日同大家一次過大公開！

冰水可以遮毛孔仲可以控油

大多數溶妝嘅問題係因為肌膚出油，原來係化妝前用冰水可以解決臉部不停泛油。不少化妝師都建議上妝前先用冰水洗臉，原因是有助令毛孔收縮，肌膚仍會因此變得平滑。另外，不少人都會選擇使用beauty blender上妝，beauty blender浸水之後可以濕用令底妝更貼服。冰水令妝容不溶妝嘅原因是因為可以令大腦感知判定肌膚正在涼爽嘅環境，可以減慢出油時間，令底妝更貼服。

「化妝棉」上妝底妝更薄同貼服

早幾年突然興起beauty blender哩個上妝工具，但原來「化妝棉」都是不少化妝師嘅上妝秘密，因為化妝棉更加衛生。將化妝棉沾取平時嘅化妝水，要有7-8成濕，哩個方法可以令底妝更加透薄。不過揀化妝棉時要一定要揀D化妝棉唔可以起棉絮，如果唔係個妝就會留有一條條化妝棉。

夏天時盡量不要使用太多遮瑕膏

不少人都會係黑眼圈又或者暗瘡印上用遮瑕膏，但原來不少化妝師都表示「夏天盡量不要使用太多遮瑕膏」。可以利用粉底液使用手指沾取適量點在遮瑕位置，靜待2-3分鐘之後令粉底開始呈現半霧面狀態再用手指推開。最後先使用beauty blender又或者化妝棉沾上少量嘅粉底液，咁樣打造一層透薄的底妝，不單止唔會面具樣，臉上嘅瑕疵都輕易遮去，而且完妝後的底妝是超級透以及薄！